Xeres d'escolinos

Esti pasáu llunes 23 de Xineru, los escolinos de primeru, segundu y tercer cursu de primaria, que son el grupu I de Llingua Asturiana, tuvieron deprendiendo'l cantar de "la casina carambelu", y así lo escribieron los más pequeños de la clas.

Escolinos del colexu

Pincha nel enllace y vas ver los escolinos/es de 1º,2º y 3º de Primaria.
equí

LA SELMANA DE CELÍN

Esti ye un llibru perguapu pa tolos escolinos/es de Primaria.
Colos pequeños deprendemos los díes de la selmana, a la vez que nos divertimos coles trastaes que fai esti neñu pertraviesu, y colos más grandes disfrutamos lleendo...
¡Ye xenial!

Ficimos un amagüestu

El pasáu 18 de Payares de 2005, nel colexu de Teberga ficimos un amagüestu, onde participaron tolos escolinos y escolines del colexu, les mayestres, los pás y les mas, y amás vinieron unos paisanos y muyeres de la mancomunidá pa facer delles demostraciones de la esfoyaza y l'amagoste de castañes col tambor y el farol. Equí hai delles semeyes.

Esti ye'l colexu La Plaza de Teberga

Ye un sitiu perguapu, el llugar onde ta'l colexu, aunque'l colexu nun lo ye tanto, ya ta bastante vieyu y ye pergrande pa los escolinos que tien.
Nesta semeya solo se ve un cachu, pues pola parte trasera hai otru edificiu como esti, ye un poco enrevesáu (paez un llaberintu), pero una vez que t'acostumbres ye fácil.
Bono, esti ye ún de los colexos nos que toi, los otros son los de Quirós y Proaza.

Y... finen les vacaciones de Navidá

Lleguen al final... y mañana 9 de Xineru volvemos al colexu otra vegada.
Dempués de folgar nes vacaciones y cargar les piles, vamos garrar con fuerza los llibros pa dar un tirón nesti trimestre qu'entamamos.
¡Ánimu y palantre a to@s!